*(DNS Report: Sairam CVS, राष्ट्रवादी पत्रकार, Visakhapatnam)*   

*విశాఖపట్నం, జులై 14, 2022 (డిఎన్ఎస్):* కేంద్రం ఉచితంగా అందిస్తున్న రేషన్ బియ్యం అక్రమార్కుల కారణంగా పేదలకు చేరడం లేదని భారతీయ జనతా పార్టీ రాజ్యసభ సభ్యులు జి వి ఎల్ నర్సింహారావు  మండిపడ్డారు. బీజేపీ రాష్ట్ర అధ్యక్షులు సోము వీర్రాజు పిలుపు మేరకు  విశాఖపట్నం లోని

జిల్లా కలెక్టర్  కార్యాలయం ఎదుట గురువారం నగర  ప్రతినిధులు నిరసన చేపట్టారు. ఈ  సందర్బంగా ఆయన  మాట్లాడుతూ 

ప్రధాన మంత్రి గరీబ్ కళ్యాణ్ యోజనలో భాగంగా అనేక సంక్షేమ కార్యక్రమాలతో పేద, మధ్యతరగతి వర్గాలను ఆదుకున్నందుకు ప్రధాన మంత్రి నరేంద్ర మోడీ కి దేశ ప్రజల తరపున మొత్తం కృతజ్ఞతలు తెలుపుతున్నామన్నారు.

దేశంలోని 80 కోట్ల మంది ప్రజలకు ఆహార భద్రతకు భరోసానిచ్చిన కార్యక్రమం ప్రధాన మంత్రి గరీబ్ కళ్యాణ్ యోజన పథకం అన్నారు. దీని కింద ఆహార ధాన్యాలను ఉచితంగా సరఫరా చేయడం, పేదల కోసం రూ.3.4 లక్షల కోట్ల భారీ వ్యయంతో అమలు చేసిన ఈ పథకం మన బీజేపీ  ప్రభుత్వం చేపట్టిన అసమానమైన, అపూర్వమైన కార్యక్రమం అన్నారు. 
ఆంధ్రప్రదేశ్‌లో 89

లక్షల కుటుంబాలు, 2.68 కోట్ల మంది జనాభా ఈ పథకం ద్వారా లబ్ది పొందారు. 5వ దశ వరకు, మొదటి 5 దశల్లో 2022 మార్చి వరకు పథకం కింద 25 లక్షల మెట్రిక్ టన్నులకు పైగా బియ్యం పంపిణీ చేయబడింది. దాదాపు రూ. 5,500 కోట్లు ప్రధానమంత్రి గరీబ్ కళ్యాణ్ అన్న యోజన కింద రాష్ట్రానికి విడుదలయ్యాయన్నారు. 
6వ దశ కింద మన బిజెపి ప్రభుత్వం ఈ పథకాన్ని

సెప్టెంబర్ 2022 వరకు పొడిగించినప్పటికీ, ఆంధ్రప్రదేశ్‌లోని వైకాపా పార్టీ నేతృత్వంలోని వైస్ జగన్ మోహన్ రెడ్డి ప్రభుత్వం ఇప్పటివరకు ఏప్రిల్, మే నెలలకు ఉచిత బియ్యం సరఫరా చేయలేదన్నారు. 
గరీబ్ కళ్యాణ్ అన్న యోజన కింద కేంద్ర ప్రభుత్వం, ఎఫ్‌సిఐ స్టాక్స్ విడుదల చేయలేదని రాష్ట్ర ప్రభుత్వం ప్రజలను తప్పుదోవ

పట్టిస్తోందన్నారు.

బియ్యం సేకరణ కోసం వికేంద్రీకృత సేకరణ (DCP) విధానాన్ని అనుసరిస్తున్న రాష్ట్రంగా, ఆంధ్రప్రదేశ్ రాష్ట్ర ప్రభుత్వం వరి/బియ్యాన్ని సేకరించడం, దాని ఆధీనంలో ఉన్న బియ్యాన్ని పంపిణీ చేయడం, ఇతర రాష్ట్రాలలో పంపిణీ చేయడానికి సెంట్రల్ పూల్ కింద FCIకి అదనపు నిల్వలను మాత్రమే సరఫరా చేయడం ఆంధ్రప్రదేశ్

రాష్ట్ర ప్రభుత్వ విధి. కాబట్టి, కేంద్ర ప్రభుత్వం లేదా ఎఫ్‌సిఐ స్టాక్‌లను విడుదల చేయలేదని  వైఎస్సార్‌సిపి ఎమ్మెల్యేలు, రాష్ట్ర అధికారుల వాదనలు ఉటంకిస్తూ పత్రికా నివేదికలు  పూర్తిగా మోసపూరితమైనవి, హానికరమైన ప్రచారంలో భాగమైనవన్నారు.
 భారత ప్రభుత్వం.. ఫుడ్ కార్పొరేషన్ ఆఫ్ ఇండియా ( Food Corporation of India ) ల నుంచి

సేకరించిన సమాచారం ప్రకారం ఆంధ్రప్రదేశ్ ప్రభుత్వం వద్ద 14 లక్షల మెట్రిక్ టన్నుల బియ్యం నిల్వలు ఉన్నాయని,  గరీబ్ కళ్యాణ్ అన్న యోజన కింద నెలకు కేవలం 1.2 లక్షల టన్నులు అవసరమని తేలింది.

ఆంధ్రప్రదేశ్‌లోని వై.యస్.ఆర్. కాంగ్రెస్ ప్రభుత్వ ఉదాసీనత, దుర్మార్గం కారణంగా, పిఎం గరీబ్ కళ్యాణ్ అన్న యోజన పథకంలో 2.68 కోట్ల

మంది లబ్ధిదారులు ఇబ్బందులు పడుతున్నారు. ఉచిత బియ్యం పంపిణీకి పూర్తి ఖర్చును కేంద్ర ప్రభుత్వమే భరిస్తున్నా, రాజకీయ కారణాలతో, ప్రధానంగా  ప్రజల దృష్టిలో కేంద్ర ప్రభుత్వాన్ని అప్రతిష్టపాలు చేసేందుకు ఆంధ్రప్రదేశ్ రాష్ట్ర ప్రభుత్వం #PMGKAY కింద బియ్యం సరఫరాకు అంతరాయం కలిగించడం చాలా బాధాకరం అన్నారు.  
వై.యస్.ఆర్.

కాంగ్రెస్ ప్రభుత్వ రాజకీయ కుతంత్రాల వల్ల ఆంధ్రప్రదేశ్‌లోని 2.68 కోట్ల మంది ప్రజలు ఇబ్బందులు పడుతున్నారు.. కావున రాష్ట్ర ప్రభుత్వం తక్షణమే ప్రధాన మంత్రి గరీబ్  కళ్యాణ్ అన్న యోజన కింద ఉచిత బియ్యం పంపిణీని వెంటనే పునరుద్ధరించాలని బిజెపి ఆంధ్రప్రదేశ్ డిమాండ్ చేస్తుందన్నారు.

ఈ సందర్భంగా ఆంధ్రప్రదేశ్‌

రాష్ట్రంలో ప్రధానమంత్రి గరీబ్ కళ్యాణ్ అన్న యోజన పథకం కింద రాష్ట్రానికి వస్తున్న బియ్యం ఏప్రిల్, మే, జూన్ నెలల్లో వై.యస్.ఆర్. కాంగ్రెస్ ప్రభుత్వం పంపిణీ చేయకపోవడం పై రాష్ట్ర వ్యాప్తంగా BJP తలపెట్టిన నిరసన కార్యక్రమంలో రాష్ట్ర, నగర ప్రతినిధులు పాల్గొన్నారు.