*(DNS Report: Sairam CVS, राष्ट्रवादी पत्रकार,)*

*విశాఖపట్నం, జూన్ 04, 2024 (డి ఎన్ ఎస్):* తెలుగు ప్రజల ఆశీస్సుల ఫలితాన్ని నేటి అసెంబ్లీ ఎన్నికల సునామీ ఫలితం అని తెలుగు శక్తి అధ్యక్షుడు బి.వి.రామ్ అన్నారు. మంగళవారం వెలువడిన శాసన సభ ఎన్నికల ఫలితాల్లో తెలుగుదేశం, బీజేపీ, జనసేన కూటమి 160 సీట్లతో ఘన విజయం సాధించిందన్నారు. ఐదేళ్ల పాటు

వైసిపి అరాచక పాలనకు ప్రజలు చరమగీతం పాడి.. కూటమిని గెలిపించారని అన్నారు.. ఇది తెలుగు ప్రజలు సాధించిన అఖండ విజయం అని అభివర్ణించారు. తెలుగుదేశం- జనసేన- బిజెపి కూటమి ఘనవిజయం సాధించిన నేపథ్యంలో బి.వి.రామ్ మాట్లాడుతూ.. నా ఎస్సీ, నా ఎస్టీ, నా బీసీ, నా మైనార్టీ అంటూ కల్లబొల్లి కబుర్లు చెప్పి.. రాష్ట్రాన్ని అప్పుల కుప్పగా

మార్చిన వైయస్ జగన్మోహన్ రెడ్డికి ప్రజలు తిరుగులేని జవాబు చెప్పారన్నారు. వైయస్ జగన్ మద్యాన్ని పూర్తిగా నిషేధిస్తానని చెప్పి మహిళలకు పూర్తిగా అన్యాయం చేశారన్నారు. ఇందుకు ప్రతిఫలంగా మహిళలు వైసిపిని సాగనంపారన్నారు. వైసిపి నాయకులు, కార్యకర్తలను వైయస్ జగన్ పూర్తిగా నిర్వీర్యం చేశారన్నారు. తద్వారా ఘోర పరాజయంలో

వైసీపీకి సొంత పార్టీ వారే కీలకంగా వ్యవహరించి కూటమికి ఓట్లు వేయించారని వ్యాఖ్యానించారు. ఇక తెలుగుదేశం - జనసేన - బిజెపి కూటమి విజయాన్ని తీసుకున్నట్లయితే పవన్ కళ్యాణ్  "మ్యాన్ ఆఫ్ ది మ్యాచ్ " గా నిలిచారన్నారు. ఆంధ్రప్రదేశ్ రాష్ట్రాన్ని వైయస్ జగన్మోహన్ రెడ్డి బారి నుంచి  కాపాడాలనే ఉద్దేశంతో  కూటమి విజయానికి

ఓటు వేసేందుకు.. ఇతర రాష్ట్రాల నుంచి, విదేశాల నుంచి  వచ్చిన ప్రతి ఒక్కరికి బి.వి.రామ్ కృతజ్ఞతలు తెలియజేశారు. చంద్రబాబు నాయుడు పాలనలో రాష్ట్రం సుభిక్షంగా మారుతుందని.. అన్ని వర్గాలు సుఖ సంతోషాలతో జీవనం సాగిస్తాయని ఆశాభావం రామ్ వ్యక్తం చేశారు. 
కూటమి అఖండ విజయంలో పీ.వీ.వసంతరావు, గుంపు ధర్మారావు, రాయుడు వెంకటరమణ,

కే.రాంప్రసాద్, వి.వంశీ, జి. రాంబాబు, వెంకట స్వరూప్ కృష్ణ, మాకినేని శ్రీనివాస్, నరసింహారావు, రాపేటి చంద్రశేఖర్ తదితరులు పాల్గొన్నారు.