*(DNS Report: Sairam CVS, राष्ट्रवादी पत्रकार, Visakhapatnam)*

*విశాఖపట్నం, ఆగస్ట్ 04, 2024 (డిఎన్ఎస్):* వివిధ వ్యాపార రంగాల్లో రాణిస్తున్న బ్రాహ్మణ వ్యాపారస్తుల అభ్యున్నతి కోసం బిజినెస్ బై బ్రాహ్మిన్ ఏర్పాటు చేయడం జరిగిందని విశాఖ శాఖ అధ్యక్షులు ధవళ మధుసూదన్ రావు తెలిపారు. ఆదివారం విశాఖ లో జరిగిన ఆవిర్భావ సదస్సులో ఆయన మాట్లాడుతూ

ఉన్నత విద్య అభ్యసించినా రిజర్వేషన్లు లేక ఉద్యోగాలు రాక పోవడంతో బ్రాహ్మణులూ తమ జీవనోపాధి కోసం వివిధ వ్యాపార రంగాల్లోకి ప్రవేశిస్తున్నారన్నారు.  వారి ద్వారా మరికొందరికి ఉపాధి ఇస్తున్నారన్నారు. ఈ విధంగా వ్యాపారం చేస్తున్న వాళ్ళందరికీ  అభివృద్ధి కల్గించేందుకు బిజినెస్ బై బ్రాహ్మీన్ సంస్థ ఏర్పాటు

అయ్యిందన్నారు. 
విశాఖ కేంద్రంగా బీబీబి శాఖ ఆవిర్భావం జరిగిందన్నారు. తనను విశాఖ శాఖా కు అధ్యక్షునిగాను,  కార్యదర్శి గా పరిమి నాగేంద్ర, ఇతర కమిటీ నియమితులయ్యారు. 

ప్రతి నెల మొదటి ఆదివారం సభ్యుల సమావేశం ఉంటుందని తెలిపారు. వివిధ రంగాల్లో నిష్ణాతులైన వారితో ప్రత్యేక శిక్షణ తరగతులు కూడా నిర్వహించడం

జరుగుతుందని, రెండు  నెలలకోసారి బిజినెస్ బజార్ లు నిర్వహిస్తామన్నారు. ఈ తొలి సమావేశంలో వివిధ రంగాల్లో వ్యాపారం చేస్తున్న బ్రాహ్మణ సభ్యులు పాల్గొన్నారు.