రాజమండ్రి కేంద్రంగా శ్రీ అమ్మఒడి సేవా తరంగిణి నిర్వహణ

*(DNS Report: Sairam CVS, राष्ट्रवादी पत्रकार, Visakhapatnam)*

రాజమహేంద్రవరం, ఆగస్టు 07, 2024 (డిఎన్ఎస్):* పవిత్ర గోదావరి తీరప్రాంతం రాజమహేంద్రవరం కేంద్రంగా 108 ప్రాంతాలలో 108 ఆలయాల వద్ద 108 ఉచిత శ్రీనివాస కల్యాణ మహోత్సవాలు చేయాలని శ్రీ అమ్మఒడి సేవా తరంగిణి సంస్థ

సంకల్పించింది. జగదాచార్యులు, పరమహంస పరివ్రాజకాచార్య త్రిదండి చిన్న జీయర్ స్వామి వారి మంగళా  శాసనములతో ఈ మహోత్తర కార్యక్రమాన్ని చేపట్టింది. ఈ సంస్థ ప్రారంభించి 12 సంవత్సరాలు పూర్తయిన సందర్భంగా 108 ఉచిత శ్రీనివాస కల్యాణ మహోత్సవాలు చేయాలని నిర్వాహకులు తలపెట్టారు. ఈ కార్యక్రమాన్ని రాజమహేంద్రవరం అర్బన్,  రూరల్

ప్రాంతాలలో ఒక సంవత్సర కాలం పాటు 108 ప్రాంతాలలో నిర్వహించేందుకు ఏర్పాట్లు చేస్తున్నారు. దీనిపై వివిధ ప్రాంతాల్లోని 108 ఆలయాల నుంచి దరఖాస్తులను ఆహ్వానిస్తున్నారు. 
సనాతన  భారతీయ సంస్కృతి కి కీలకమైన కుటుంబ వ్యవస్థకు ఆధారమైన వివాహ వ్యవస్థ   వైభవం, గొప్పతనం నేటి యువత కు తెలిసే విధంగా ఈ ఉత్సవాలు జరుగుతున్నాయని

తెలిపారు. 
తమ ఆలయం వద్ద కల్యాణం జరగాలని కోరుకునే వారు ఒక పది మంది సభ్యులు బృందంగా ఏర్పడి కల్యాణం నిర్వహణకు సిద్ధంగా ఉండాలన్నారు. దరఖాస్తులు పెట్టిన ఆలయాలకు శ్రీవారి పుష్కర మహోత్సవ పర్యవేక్షణ సమితి ప్రత్యక్షంగా వచ్చి పరిశీలన చేస్తుందన్నారు. కళ్యాణం  జరపడానికి కావలసిన నియమ నిబంధనలు తెలియజేసి   తేదీని ఖరారు

చేయడం జరుగుతుందన్నారు.  

సనాతన ధర్మ ప్రచారం కొరకు చేస్తున్న ఈ దివ్యమైన 108  ఉచిత  కల్యాణాల కార్యము సేవా తరంగిణి నియమ నిబంధనలకు లోబడి మాత్రమే వుంటుందని, కోరుకున్న వారందరూ దరఖాస్తులు పెట్టవచ్చని తెలిపారు.
 ఇంతవరకూ శ్రీనివాస కళ్యాణం  నిర్వహించని వార్డుల్లో, గ్రామాల్లోని చిన్న దేవాలయాలకు

ప్రాధాన్యత ఇవ్వడం జరుగుతుందన్నారు. 

ఈ కల్యాణ మహోత్సవాలను తమ ప్రాంతంలో నిర్వహించాలి అనుకునే సంస్థలు, వ్యక్తులు సేవా తరంగిణి సంస్థ అధ్యక్షులు విజయ స్వామిని  9989032311, లేదా  8520034741  ఫోన్ నెంబర్ల లో సంప్రదించవచ్చని తెలిపారు. పూర్తిచేసిన దరఖాస్తులను  ఆగస్టు 31, 2024 తేదీ లోపు  పూర్తి చేసి, పంపించాలని

సూచించారు.