*వీఎండీఏ- కళాభారతి నిర్వహణలో 6 రోజుల వైభవం*  

*(DNS Report: Sairam CVS, राष्ट्रवादी पत्रकार)*

*విశాఖపట్నం, ఆగస్టు 23, 2024 (డిఎన్ఎస్):* ఈ నెల 24 నుంచి విశాఖ పట్నం వేదికగా 6 రోజుల జాతీయ సంగీత నృత్య, నాటకోత్సవాలు నిర్వహిస్తున్నట్టు విశాఖ మ్యూజిక్ అండ్ డాన్స్ అకాడమీ- కళాభారతి, కార్యదర్శి డా. గుమ్ములూరి రామకృష్ణ ప్రసాద్

తెలియచేసారు. శుక్రవారం నిర్వహించిన విలేకరుల సమావేశంలో ఆయన మాట్లాడుతూ గత 37 ఏళ్లుగా దేశ విదేశాల్లోని ప్రముఖ సంగీత, నృత్య కళాకారులను సత్కరించడం ఆనవాయితీగా వస్తోందన్నారు. దీనిలో భాగంగానే  ఈ నెల 24 న మొదటి రోజు ప్రముఖ క్లారినెట్ విద్వాంసులు, పద్మశ్రీ డాక్టర్  డా ఏ కె సి  నటరాజన్ కు ప్రతిష్టాత్మకమైన జాతీయ పురస్కారం,

నాద విద్యా భారతి బిరుదు ప్రధానం చేయడం జరుగుతుందన్నారు. బహుమతి గా లక్ష రూపాయల నగదు పురస్కారం, ప్రశంసా పత్రం, నూతన వస్త్రాలు, 2 లక్షలు విలువ చేసే స్వర్ణ కమలం జ్ఞాపికను అందించడం జరుగుతుందన్నారు. ఈ వేడుకకు ముఖ్య అతిథులు  మీజోరం గవర్నర్ డా. కె. హరిబాబు, తూర్పు నావికాదళ వైస్ అడ్మిరల్ రాజేష్ పెండార్కర్ లు

హాజరవుతున్నారన్నారు. అతిధుల చేతుల మీదుగా ఈ  బిరుదు ప్రదానం జరుగుతుంది. అనంతరం అవార్డు గ్రహీత అద్భుతమైన సంగీత కచేరి చేయనున్నారు. 

గత 37 సంవత్సరాలుగా అనేకరకాల కళాకారులను ఆహ్వానించి కళలను ప్రోత్సహిస్తూ కళాకారులకు సహాయం చేస్తూ వస్తోందని తెలిపారు.  

 రెండో రోజు ( ఆగస్టు  25 ) కార్యక్రమంలో భాగంగా

ముంబై కి చెందిన ప్రముఖ హిందూస్తాని విద్వన్మణి శ్రీమతి మీతా పండిట్ గాత్ర కచేరి చేయనున్నారు.

మూడవ రోజు (ఆగస్టు 26 ) శ్రీ కృష్ణాష్టమి రోజున భాగ్యనగరానికి చెందిన ప్రపంచ ప్రఖ్యాత ఈల పాట విద్వాంసులు శివ ప్రసాద్ ఈల పాట కచేరి ఉంటుంది. వీరు విశ్వ విఖ్యాత డా. మంగళంపల్లి బాలమురళీకృష్ణ శిష్యులు. 

నాల్గవ రోజు

( ఆగస్టు 27. ) న చెన్నై కు చెందిన ప్రముఖ గాత్ర విద్వాంసులు ఓ ఎస్ అరుణ్ చే భజన సంప్రదాయ కచేరి ఉంటుంది. 

ఐదవ రోజున ( ఆగస్టు  28 ) కూచిపూడి నృత్య ఆచార్యులు  డా. వేదాంతం రామలింగ శాస్త్రి  (విశ్రాంత ప్రిన్సిపాల్ , కూచిపూడి కళాశాల, కూచిపూడి గ్రామం ) వారు, వారి 28 మంది శిష్య బృందం చే భక్త ప్రహ్లాద కూచిపూడి నృత్య రూపకం

ప్రదర్శించడం జరుగుతుంది. 

ముగింపు రోజున ( ఆగస్టు 29 ) ప్రఖ్యాత పౌరాణిక పద్య నాటక సంస్థ, సుబ్బరాజు కళాపరిషత్, తిరుపతి వారి అద్భుత పౌరాణిక  పద్యనాటకం " నర్తన శాల " 36 మంది కళాకారులతో ప్రదర్శింప బడుతుంది.

ఈ కార్యక్రమాలను వీక్షించేందుకు ప్రవేశం పూర్తిగా ఉచితం అని, ఎటువంటి టికెట్ లేదన్నారు.  పెద్ద

సంఖ్యలో కళాభిమానులు, ప్రజలు రావాల్సిందిగా ఆహ్వానిస్తున్నారు.   

ఆరు రోజుల పాటు ఈ ఉత్సవాలను అద్భుతంగా నిర్వహించేందుకు అన్ని ఏర్పాట్లు చేసినట్టు తెలిపారు. ఈ విలేకరుల సమావేశంలో సంస్థ అధ్యక్షులు ఎంఎస్ఎన్ రాజు, 
కోశాధికారి పైడా కృష్ణ ప్రసాద్, స్వర్ణ కమలం డాటా మల్లిక మనోజ్ లు

పాల్గొన్నారు. 

90 ఏళ్ళ యువకులు నటరాజన్ :
 
ఈ సంవత్సరం నాదవిద్యా భారతి పురస్కారం అందుకోబోతున్న ప్రముఖ క్లారినెట్ విద్వాంసులు, పద్మశ్రీ డాక్టర్  డా ఏ కె సి  నటరాజన్ 90 ఏళ్ళ యువకులు. సంగీత విజ్ఞానం తో 9 దశాబ్దాలుగా తానూ తరించి,  అనేక మంది శిష్య ప్రశిష్యులను తయారుచేసి, సమాజానికి అందించారు. వీరు అనేక దేశ

విదేశాలలో  ప్రదర్శనలిచ్చి భారతదేశ సనాతన ధర్మ వైభవాన్ని చాటి చెప్పారు. 
నటరాజన్ 30 మార్చి 1931 న తమిళనాడు లోని తిరుచిరాపల్లి లో పుట్టారు. 1994  లో సంగీత నాటక అకాడమీ అవార్డును, 2008 లో మద్రాస్ మ్యూజిక్ అకాడమీ చే సంగీత కళానిధిని బిరుదు ను అందుకున్నారు. వీరు సంగీత ప్రపంచానికి చేసిన సేవలకు గాను 2022 లో  భారత ప్రభుత్వం వీరికి

పద్మశ్రీ పురస్కారంతో సమ్మానించింది. ఈయన అలత్తూరు వెంకటేశ అయ్యర్ నుండి గాత్ర సంగీతం నేర్చుకున్నారు. నాద స్వరం ఇలుప్పూర్ నటేస పిళ్ళై ద్వారా చేర్చుకున్నారు.