*విహెచ్పి కార్యకర్తల సంచలన ఘర్ వాపసీ విజయం* 

*(DNS Report: Sairam CVS, राष्ट्रवादी पत्रकार,)*

*విశాఖపట్నం, సెప్టెంబర్ 01, 2024 (డిఎన్ఎస్):* అన్యమతస్తుల ప్రలోభంతో గాడితప్పి క్రైస్తవ మతం లోకి వెళ్లిన 2000 మంది తమ తప్పిదం తెలుసుకుని తిరిగి సనాతన హిందూ ధర్మం లోకి ఘర్వాపసి అయ్యారు. పొరుగు దేశమైన నేపాల్‌లోని సున్‌సారి

జిల్లాలో జరిగిన ఈ అద్భుతం ఒక రికార్డు సృష్టించింది. విశ్వ హిందూ పరిషత్ నేపాల్‌ శాఖా సహకారంతో మొదటిసారిగా ఇంత పెద్ద సంఖ్యలో ప్రజలు సనాతన ధర్మానికి తిరిగి వచ్చారు. వీళ్ళతో పలు విడతలుగా మాట్లాడిన తర్వాత  నేపాల్‌లో ఘర్ వాప్సీ కార్యక్రమాన్ని నిర్వహించింది, అక్కడ 2000 మంది కలిసి సనాతన ధర్మాన్ని స్వీకరించారు. హిందూ

మతంలోకి తిరిగి వచ్చిన ప్రతి వ్యక్తికి హనుమాన్ చాలీసా ప్రతిని అందించారు. 

సనాతన ధర్మం వైభవం తెలుసుకుని ఇంతపెద్ద సంఖ్యలో తిరిగి తమ సొంత గూటికి రావడం శుభపరిణామం గా అభివర్ణిస్తున్నారు. 

స్వచ్చందంగా వచ్చిన వారే : 

ఈ సందర్భంగా స్థానిక ప్రజా ప్రతినిధి భీమ్ పరాజులి మాట్లాడుతూ.. ఏదో ఒక

ప్రలోభాల వల్ల లేదా అజ్ఞానం వల్ల క్రైస్తవ మతాన్ని స్వీకరించిన వారిని స్వచ్ఛందంగా సనాతన ధర్మానికి స్వదేశానికి పంపినట్లు తెలిపారు. నేపాల్‌లోని సున్సారి, మొరాంగ్ మరియు ఇతర జిల్లాల నుండి వేలాది మంది ప్రజలు స్వయంగా వచ్చారని ఆయన చెప్పారు.

ప్రపంచం సుఖ శాంతులతో ఉండాలంటే సనాతన హిందూ ధర్మం వల్ల మాత్రమే

సాధ్యమని దేశ విదేశాల్లో అందరూ అంగీకరిస్తున్నా విషయం. స్వ ధర్మాన్ని పాటించడంతో పాటు, పరాయి ధర్మాలను, మతాలను గౌరవించడం కేవలం హిందూ ధర్మం లో మాత్రమే ఉంటుందని ధార్మిక ప్రచార కర్తలు తెలియచేసారు. 
ఎంతో విలువైన భారతదేశంలో ఘర్ వాప్సీని కూడా సమర్థించడం మరియు ప్రోత్సహించడం అవసరం అని తెలిపారు.  హిందూ దేవాలయాలను

ప్రభుత్వ నియంత్రణ నుంచి విముక్తి చేసి ట్రస్టు ఏర్పాటు చేయాలని డిమాండ్ చేసారు. ఘర్ వాప్సీ ప్రాథమిక లక్ష్యం అన్నారు. 

ఈ విధంగా ఘర్ వాపసీ అయిన వాళ్లకి తగిన ప్రోత్సాహాన్ని ఇచ్చి, స్వయం శక్తి పై నిలబడేలా ప్రోత్సహించాలన్నారు. కేవలం ఆర్ధిక బలహీనతలను చూపించి హిందువులను మతమార్పిళ్లకు బలి చేస్తున్నారన్నారు.

వీళ్ళకి తమ సొంత కాళ్లపై నిలబడే మార్గం చూపించాల్సిన అవసరం ఉందన్నారు. 
ఈ విధమైన ఘర్ వాపసీ కార్యక్రమాలను మరింత వేగవంతంగా నిర్వహిస్తామని, అందరిలోనూ అవగాహన కల్పిస్తామన్నారు.