*విశాఖ గీతా జయంతి వేడుకల సభలో విశాఖ వైభవం ప్రస్తావన*

*(DNS Report: Sairam CVS, राष्ट्रवादी पत्रकार, Visakhapatnam)*

విశాఖపట్నం, డిసెంబర్ 7 , 2024 ( డిఎన్ఎస్) : విశాఖ పట్నం ప్రాంతానికి ఆధ్యాత్మిక పరంగా ఎంతో విశిష్టత ఉందని అపర రామానుజులు ఆధ్యాత్మిక ఆచార్యులు త్రిదండి చినజీయర్ స్వామి తెలియ చేశారు. శనివారం విశాఖ పట్నంలో

ప్రారంభమైన గీతా జయంతి వేడుకల ప్రారంభ సభలో ఆయన అనుగ్రహ భాషణం చేస్తూ విశాఖ ప్రాంత వైభవాన్ని వివరించారు. ఈ ప్రాంతానికి ఎంతో చారిత్రక, పౌరాణిక ప్రాశస్త్యం ఉందన్నారు. ఇంతటి వైభవం ఉన్న ప్రాంతంలో ఐదు రోజుల పాటు గీతా జయంతి వేడుకలు నిర్వహించుకోవడం ఎంతో భాగ్యమన్నారు. 

సాక్షాత్ ద్వయ రూపంలో శ్రీ వరాహ లక్ష్మీ

నృసింహ స్వామి సింహాచల క్షేత్రం లో వెలసి భక్తులను అనుగ్రహిస్తున్నారన్నారు. సాగర తరంగాలు గత వైభవాన్ని నేటికీ ప్రసరింపచేస్తున్నాయన్నారు.

ఆ వైభవాన్ని సమాజానికి అందించడానికి విశాఖ సాగర తీరం లో వేద అధ్యయన, పరిశోధనా కేంద్రం ( వారి జ ) ఆశ్రమాన్ని ఏర్పాటు చేయడం జరిగిందన్నారు. వేద స్వరం సాగర తరంగాల ద్వారా ఇతర

ప్రాంతాలకు విస్తరింప చేస్తుందన్నారు. గత 20 ఏళ్ల క్రితం ఆరంభమైన ఈ  పాఠశాల ద్వారా వేద విద్యను ఎందరో పూర్తి చేసుకున్నారని తెలిపారు.

శ్రీ భాష్యం అప్పలాచార్యులు, శాతులూరి గోపాల కృష్ణమాచార్యులు, వంటి మహనీయులు ఆధ్యాత్మిక మార్గాన్ని అందిస్తున్నారన్నారు. ఎన్నో సంస్థలు ఆధ్యాత్మిక తరంగాలను

అందిస్తున్నారన్నారు.