*మాతృశ్రీ సేవ సంస్థ నిర్వాహకులు ఎన్. శ్రీధర్ వెల్లడి* 

*(DNS Report: Sairam CVS, राष्ट्रवादी पत्रकार, Visakhapatnam)*

*విశాఖపట్నం, డిసెంబర్ 12, 2024 (డి ఎన్ ఎస్):* రామరాజ్యం స్థాపన కోసం ఇంటింటా రామపాదుకా ఆరాధన జరగాలి అనే సంకల్పంతో విస్తృత ప్రచారం చేస్తున్నట్టు మాతృశ్రీ సేవ సంస్థ నిర్వాహకులు శ్రీధర్ నరహరిశెట్టి తెలిపారు. గత

ఐదు రోజులుగా విశాఖ నగరం లో అపరరామానుజులు త్రిదండి చిన్న జీయర్ స్వామి నిర్వహించిన గీతా యజ్ఞం లో చేసిన రామపాదుకా ఆరాధన ఇంటింటా జరగాలి అనే సంకల్పం కల్గిందన్నారు. నగరం లోని ప్రముఖులను కలిసి వారికి రామరాజ్యం లక్ష్యం, రామ పాదుకలు ప్రభావం తెలియచేస్తున్నట్టు వివరించారు. దీనిలో భాగంగా గురువారం ఆయుష్మాన్ ఆసుపత్రి సీఈఓ

డా. కె. స్వామి ని కలిసి రామ పాదుకలను అందించడం జరిగిందన్నారు. ప్రతి రంగంలోని ప్రముఖులను కలిసి, ఈ ఇంటింటా రామపాదుకా ఆరాధన వైభవం వివరించడం జరుగుతుందన్నారు. దేశ సౌభాగ్యం కోసం చిన్న జీయర్ స్వామి ప్రధాన పట్టణాల్లో నిర్వహిస్తున్న రామ పాదుకా ఆరాధన పూజ ప్రభావం అద్భుతమైన ఫలితాలను అందిస్తుందని వివరించారు. త్వరలోనే నగరం లోని

ప్రముఖులైన ప్రజా ప్రతినిధులు, విద్యాసంస్థల నిర్వాహకులు, వైద్యులు, న్యాయవాదులు, తదితరులను కలిసి స్వయంగా వారికీ రామ పాదుకలను అందించనున్నామన్నారు.