*డిసెంబర్ 16 నుంచి నెల రోజుల ఆధ్యాత్మిక వేడుకలు ప్రారంభం*

*13 న గోదారంగనాధుల కళ్యాణం తో వ్రతం పరిపూర్ణం* 

*(DNS రిపోర్ట్ :  సాయిరాం CVS ,  బ్యూరో చీఫ్, విశాఖపట్నం)*  

*విశాఖపట్నం, డిసెంబర్ 15, 2020  (డి ఎన్ ఎస్):* నెల రోజుల పాటు దేశ విదేశాల్లో ఆధ్యాత్మిక  తరంగాలు అందించే ధనుర్మాస వ్రత ఉత్సవాలు

ఈనెల 16 నుంచి ప్రారంభం కానున్నాయి. పండితుల నుంచి పామరుల వరకూ అందరికి ముక్తిని అందించే ఏకైక వ్రతం ధనుర్మాస వ్రతం. విశాఖ నగరం లోని వారిజ ఆశ్రమం లోని శ్రీ లక్ష్మి హయగ్రీవ మందిరం లో ఈ వేడుకలను వైభవంగా నిర్వహించనున్నట్టు ఋగ్వేద పండితులు ముడుంబై శ్రీకాంత్ స్వామి తెలియచేసారు. అపరరామానుజులు, త్రిదండి చిన్న జీయర్ స్వామి

వారి నిర్వహణలో నడుస్తున్న వేదపాఠశాల విద్యార్థులచే ప్రతి రోజు ఉదయం 5 :30 గంటల నుంచి తిరుప్పావై సేవాకాలం అనుసంధానం జరుగుతుందన్నారు. 
మానవాళికి మంచి ఫలితాలను అందించే ఈ వ్రతాన్ని జాతి, మత భేదాలు లేకుండా అందరూ ఈ వ్రతాన్ని ఆచరించవచ్చన్నారు. ఒక మంచి సంకల్పంతో ఆచరించే వ్రతం కచ్చితంగా సత్ఫాలితాన్ని ఇస్తుంది అని

నిరూపించిన వాస్తవ చరిత్రకి నిదర్శనం ఆండాళ్ అన్నారు. సుమారు 8 శతాబ్దాల క్రితం తమిళనాడు లోని శ్రీవిల్లిపుత్తూర్ గ్రామంలో తులసి వనంలో ఆవిర్భవించిన ఆండాళ్ శ్రీరంగనాథున్ని వివాహం చేసుకోవాలి అనే సంకల్పం తో ఆచరించిన వ్రతమే ధనుర్మాసం అన్నారు. నేడు ఎన్నో దృష్ట్యాఅంతాలు ఉన్నాయన్నారు. 
సమాజంలోని ప్రజలు అందరూ సుఖ

శాంతులతో జీవనం సాగించాలని అందరూ సులభంగా ఆచరించుకునే విధంగా జగదాచార్యులు చిన్న జీయర్ స్వామి ఒక కోశాన్ని రూపొందించారన్నారు. అదే విధానాన్ని దేశ విదేశాల్లోని వైష్ణవ సంప్రదాయపరులు పట్టిస్తున్నారన్నారు. 
వేద పరిరక్షణ కోసం జీయర్ స్వామి వారిజ ఆశ్రమం నెలకొల్పారని, అదే ప్రాంగణంలో శ్రీ లక్ష్మి హయగ్రీవ మందిరం

ప్రతిష్ఠా చేశారన్నారు. ధనుర్మాస కాలంలో ప్రతి రోజు ఉదయం తిరుప్పావై సేవాకాలం, సాయంత్రం స్వామిజి శిష్యులు ముడుంబై శారదా దేవి ధనుర్మాస వైభవం, తిరుప్పావై పాశుర విశిష్టత లపై ప్రవచనం చేయనున్నట్టు తెలిపారు. గత మూడు సంవత్సరాలుగా వీరు ధనుర్మాస వైభవాన్ని అద్భుతంగా వివరిస్తున్నారన్నారు. 

విశేష పాశురాలు ఇవే: 16-12-2024

(    సోమవారం ) : మార్గజి త్తింగళ్,  18-12-2024 ( బుధవారం ) : ఓంగి యులగళంద, 31-12-2024 ( మంగళవారం ): నాయగనాయ్ నిన్జ, 02-01-2025     ( గురువారం ) : ఉన్దు మదగళిత.  03-01-2025 ( శుక్రవారం ): కుత్తు విళక్కెరియ (దీపోత్సవం ) , 
07-01-2025 ( మంగళవారం ): మారి మలై ముజఇల్, 08-01-2025     (  బుధవారం ) :అన్టు ఇవ్వులగమ్ (నీరాజనం),  11-01-2025 (  శనివారం )    :కూడారై వెల్లుమ్ శీర్ (

క్షీరాన్న ప్రసాదం), 
12-01-2025 ( ఆదివారం ): కఱవైగళ్ పిన్ శెస్టు, 13-01-2025 ( సోమవారం) : శిత్తుమ్ శిఱుకాలే (శాత్తు), వంగక్కడల్ కడైంద (శాత్తు), వ్రతం పూర్తి. అనంతరం అదే రోజు గోదా రంగనాధుల కళ్యాణం నిర్వహించడం జరుగుతుంది. 

జనవరి 10 న వైకుంఠ ఏకాదశి పర్వదినోత్సవాన్ని పురస్కరించుకుని ఉత్తర ద్వారా దర్శనం జరుగుతుందని తెలిపారు.

పరమపదం లో ఉత్తర ద్వార దర్శనం చేసుకోడానికి వెళ్లే మార్గం ఏ విధంగా ఉంటుందో అదే విధంగా వారిజ ఆశ్రమం లో సాక్షాత్కారం జరుగుతుందన్నారు. 
ఈ నెలరోజుల ధనుర్మాస వేడుకలలో పాల్గొని ఆచార్యుల మంగళాశాసనం, ఆండాళ్ అనుగ్రహం పొందవలసిందిగా ఆహ్వానిస్తున్నారు.