*(DNS Report: Sairam CVS, राष्ट्रवादी पत्रकार, Visakhapatnam)*

*విశాఖపట్నం, డిసెంబర్ 16, 2024 (డి ఎన్ ఎస్):* భాగ్యనగరం లోని శ్రీరంగ గిరి సన్నిధిలో ధనుర్మాస వేడుకలు అంగరంగవైభవంగా ఆరంభమయ్యాయి. సోమవారం ఉదయం స్వామికి తిరువారాధన, అనంతరం ఆండాళ్ రచించిన తిరుప్పావై  పాశురాలను విన్నపం చేయడం ద్వారా వేడుకలు ప్రారంభించినట్టు ఆలయ ట్రస్టీ డా.

ధనుంజయ తెలియచేసారు. ప్రజలందరూ సుఖ శాంతులతో జీవనం సాగించాలని సంకల్పంతో అపరరామానుజులు  త్రిదండి చిన్న జీయర్ స్వామి వారి మంగళశాసనాలతో వేడుకలను ప్రారంభించడం జరిగిందన్నారు. సూర్యోదయం సమయంలో ధను సంక్రమణం ఆరంభం కావడంతో స్వామికి స్తోత్ర పారాయణం, సామూహిక శరణాగతి ప్రార్థన, గోదామాత పల్లకి సేవ, పుష్కరిణి హారతి, స్వామికి

తులసీ గజమాల సమర్పణ చేయడం జరిగిందన్నారు. అనంతరం తొలిపాశురం మార్గళీ త్తింగళ్ స్వామికి విన్నవించి, శాత్తుమొరై, తీర్థప్రసాదగోష్ఠి చేపట్టడం జరిగిందని తెలిపారు. తొలి రోజు విశిష్ట అతిథిగా ప్రఖ్యాత గాత్ర విద్వాంసులు, జాతీయ సంస్కృత విశ్వవిద్యాలయం అధ్యాపకులు డా. వై. బాలసుబ్రహ్మణ్యం స్వామిని

దర్శించుకున్నారు. 

తిరుప్పావై మహోత్సవ మంగళారంభ సూచకంగా త్యాగరాజ స్వామి కీర్తన ఆలపించారు. అత్యంత మధురంగా సాగిన గాన సంకీర్తనంతో ఆలయం మరింత శోభను సంతరించుకుందని తెలిపారు. జనవరి 13 న జరిగే గోదారంగనాథుల కల్యాణ మహోత్సవానికి కూడా విచ్చేసి, తమ స్వరమాధుర్యాన్ని అందించనున్నట్టు తెలిపారు. ఆలయ మర్యాదల ప్రకారం

వారికి ఆత్మీయ సత్కారం చేయడం నిర్వహించారు. 

రామానుజుల మాస నక్షత్రం : 
సోమవారం ఆర్ద్ర నక్షత్రం కావడంతో రామానుజుల మాస తిరునక్షత్రాన్ని పురస్కరించుకుని ఎన్ ఎఫ్ సి సర్కిల్ లోని రామానుజ కూడలి వద్ద కొలువైన భగవద్రామానుజుల తిరుమూర్తికి స్నాపన తిరుమంజనం నిర్వహించారు.  సోలిస్ కంటి ఆస్పత్రి వారి సహకారంతో

నిర్వహిస్తున్న స్నపన తిరుమంజనం, విశేషాలంకారం, యతిరాజ వింశతి, ధాటీపంచకం, మౌక్తికముల అనుసంధానం, అర్చన అనంతరం మూడు వందల మందికి అన్నప్రసాదం, పండ్లు నివేదన జరిగాయి. భగవద్బంధువులందరకీ ఆయురారోగ్య ఐశ్వర్య సిద్ధి కలగాలని మనసారా ఆకాంక్షిస్తూ ఆచార్యులకు విన్నవించారు.