జనవరి 19 న  నమ్మాళ్వార్ల పరమ పదోత్సవం, 

*(DNS Report: శాయిరాం CVS, राष्ट्रवादी पत्रकार, Visakhapatnam)*

*విశాఖపట్నం, డిసెంబర్ 31, 2024 (డి ఎన్ ఎస్ ):* శ్రీవైష్ణవ దేవాలయాల్లో అధ్యయనోత్సవాలు అత్యంత వైభవంగా ప్రారంభమయ్యాయి. 20 రోజుల పాటు నిర్వహించే ఈ వేడుకలు వైకుంఠ ఏకాదశి ( జనవరి 10 ) కు ముందు 10 రోజులు పగలు పత్తు గాను, తర్వాత 10

రోజులు రాపత్తు ఉత్సవాలు జరుగుతుంటాయి.  

ప్రస్తుతం అన్ని దేవాలయాల్లోనూ ధనుర్మాసోత్సవాలు అత్యంత వైభవంగా జరుగుతున్నాయి. 

అత్యంత ప్రాధాన్యత కల్గిన 12 మంది ఆళ్వార్లలో ప్రముఖులు నమ్మాళ్వార్లు. ఈయనకే శఠకోపులు అని పేరు. ఈయన స్వామిని చేరుకున్న రోజున నమ్మాళ్వార్ల పరమపదోత్సవం ( జనవరి 19 ) ఎంతో వైభవంగా

జరుగుతుంది. దీన్ని పురస్కరించుకుని కొన్ని ఆలయాల్లో అధ్యయనోత్సవాలు నిర్వహిస్తుంటారు. వైకుంఠ ఏకాదశి ( జనవరి 10 ) కు ముందు 10 రోజులు పగలు పత్తు గాను, తర్వాత 10 రోజులు రాపత్తు ఉత్సవాలు జరుగుతుంటాయి. 
కొన్ని దేవాలయాల్లో 10 రోజులు, మరికొన్ని ఆలయాల్లో 3 రోజుల పాటు అధ్యయనోత్సవాలు నిర్వహిస్తుంటారు. అయితే శ్రీరంగం, తిరుమల వంటి

ప్రధాన దేవాలయాల్లో 21 రోజుల పాటు ఎంతో వైభవంగా నిర్వహిస్తుంటారు. 

పగల్ పత్తు ఉత్సవాలు మంగళవారం ప్రారంభమయ్యాయి. ఈ సందర్బంగా ద్రావిడ దివ్య ప్రబంధం పారాయణ ఆరంభమయ్యింది. వైకుంఠ ఏకాదశి వరకూ ఈ పారాయణ కొనసాగుతుంది. 
ఈ పది రోజుల పాటు నాదమునుల ఆదేశానుసారము, శ్రీవైకుంఠ ఏకాదశి కి ముందు ( అమావాస్య నుండి ) మొదటి పది

రోజులు (పగలు పత్తు లో) ముదలాయిరము ( తిరుపల్లాండు, పెరియాళ్వార్ తిరుమొళి, నాచ్చియార్ తిరుమొళి, పెరుమాళ్ తిరుమొళి,  తిరుచ్ఛంద విఱుత్థం,  తిరుమాలై , తిరుప్పళ్లిఎళ్ళుచ్చి, అమలనాదిపిరాన్, కణ్ణినుణ్ శిరుత్తాంబు,)  రెండవ ఆయిరము (పెరియ తిరుమొళి, తిరుక్కురుందాండగం, తిరునెడుందాండకం  అనునవి)

అనుసంధింపబడుతాయి. 

తదుపరి మొక్కొటి ఏకాదశి నుంచి రాపత్తు సాయంత్రం ఆలయంలో ఆరాధనలు ముగిసిన అనంతరం ద్రావిడ ప్రబంధం పారాయణ చేయడం నిర్వహిస్తుంటారు. 
   శ్రీవైకుంఠ ఏకాదశి రోజున తిరువాయ్ మొజి తొళక్కము (ప్రారంభము) అనుసంధింపబడుతుంది.  శ్రీవైకుంఠ ఏకాదశి దినము ఉదయము వేదపారాయణము, సాయమువేళలో తిరువాయ్ మొజి

దినమునకు ఒక పత్తు, పది దినములు అనుసంధింపబడుతుంది. చివరిరోజున  ఘనముగా శాత్తుమురై  నిర్వహింపబడుతుంది.
కొన్ని ఆలయాల్లో తిరువాయిమొఝి ప్రబంధం అనుసంధానం చేయడం జరుగుతుంది. ఈ నెల 19 న నమ్మాళ్వార్ పరమపదోత్సవం నిర్వహిస్తారు.